NEWS NETWORK

[Tuimang Vangkhua]

# NEWS NETWORK
Phuatni 29. 7. 2011
I. MINPHUAKNA
Leitung gamtuamtuam a om Tuimangtate khempeuh khatzongsitlo in huamsak nuam ih hihman in, Leitungbup Tuimangtate kizopna Phungpi ci in Tuimang Global News Network ci in minphuak ih hi hi.
II. TUIMANG GLOBAL NEWS NETWORK TUPNA LEH NGIMNATE
1. Leitung gamtuamtuam a om Tuimangtate siatna, nopna ah manlangtak thu kizak tuah theihna ding
2. Leitung muntuam gamtuam ah Tuimangtate ki khenthang in ih om hangin Tuimang Global network tung tawnin ki zom,
thu kiza a, ki itna, ki thutuahna leh ki pumkhatna a khansemsem theihna ding
3. Leitung gam tuamtuam a omTuimangtate dahna ah ki dahpihsiam in, lungdamna ah ki lungdampih siamte ih hih theihna ding hi.
4. Tuimang khua leh Tuimangtate khantohna dingin lampi tuamtuam tawh ki huh ki panpih theihna ding
5. Leitung khuahun paiziate mitsuan in Tuimangtate malam ding hih theih zah in panpih ding
III. ZUIHDING LEH PELHDING THUTE
1. Ki muhkhialhna, ki etkhialhna leh ki totna a piangsak thei ding behvai leh pawlpivaite pelh ding
2. Mikiim in suahtak taktak in laigelh theiding a, a hizongin tua a ki gelhlai in midang te a sukha, a nawngkaisak kha theiding laite pelh ding
3. Tuimang tate khempeuh in suakta tak in Tuimang Global Network zang thei ding a, mi khat suahtak na in midangte suahtakna a susialo suahtakna hi ding
4. Tuimang Global Network member khempeuh in thu neihna *right a kibang in nei kim ciat ding. A thuneizaw, a ki thuneisak zaw cih bang omlo ding. Ki thuneihsaknopna leh power zatnopna te nasia tak in kham ding
5. Tuimang Global Network in mimal hanciamna tawh ki phuan a hihloh mah bangin mimal khat leh nih thu neihnate ki zanglo ding a, mipi a tam zaw seh thumsuah sehnih thu kimna bek tawh na ki sem ding hi.
IV. MODERATOR TE THEIHDING LEH ZUIHDING
1. Moderator a tawm pen in mi thum tungsiah ki koih hamtang ding a, Moderator khatbek thu neihna tawh thusuaksak ding leh suaksaklo dingte khentat theihna thu kipia lo ding. Thu le la haksa a om khak leh moderator teng ki kum masa ding
2. Net sungah thu leh la khat peuhpeuha om leh Moderator te in guptuam, paihtuam neilo ding a, Moderator te neutralm in dingden ding hi. A ki tawng, a ki kamtam kha a om khak phial leh zong, leptuah theihna dingin Moderatorte in hanciam ding
3. Tuimang Global Network Password tawh kisai in Moderator te bek in password thei ding hi. Network tawh kisai in thu leh la khatpeuhpeuh hong pian leh Network password thei Moderator te tungah mawhpuak kisuan ding hi. Moderatorte in Network Password limtak kemding cihna a hi hi.
4. Tuimang Global Network in mikhat bek hanciamna tawh ki phuan hilo a hihmah bangin Moderator khatpeuh in, ama pahtakmi khat peuh moderator in mawkguan theilo ding a, tua mah bangin a pahtak loh mikhat peuh moderator hihna pan in thu omlo pi in mawklakkhiat, mawk tawpsak theilo ding hi.
Thubulphuh. Ki thutuahna, kipumkhatna leh sepkhopna
“Nupa kilungtuak khuakhat in zolo, khua khat ki lungtuak khua kua in zolo”
NB. Tuimang Global Network phuat ni leh MRTV Kum 7 Cinna pawi pawl ni ki tuak lian
ahih manin ciap teh nop mahmah hi.
Tuimang Global Network teams
PDF https://docs.google.com/viewer?a=v&pid=explorer&chrome=true...