KAPA CIN KHAN LIAN leh KANU NIANG LAM SIANG LA

[Tuimang Vangkhua]

Pa Lian la in u khup a laphuah

( a ) Von phamna sul nung kazuih leh tuang lamgei ah gul bang kipai von khup aw e
( b ) Tuang lamsia lo sen ngaih taan lai luan khi tui tawh kawi leh von kiang sul hei ki king e.

( a ) A mi cipeuh kipham ciat aa kei von phamna pian dang sang e
( b ) Sen pu von ten ham bang huai kei leh gam melmak ah um bang a muat mang ding von
hi e.

Nu Siang in U khup a la phuah

( a ) Lungngilh loh a von pham tuang tung piangna tuun nu sin lai sokbang ling ing von aw e
( b ) Duang zun loh a von kulsing tang pianna zuapan sin lai lungah a gel zo diam aw

( a ) Ka von mubang ka ngaih manin sunni tum ding maim it suan zel ing e
( b ) Sun ni tum ding maimit suan aa tung solkha zong maimit suan lai tuun nu luankhi nul
Ing e
( a ) Von gel lumsuang khuam bang phut nin vong teng mu bang ken hong ngai ing e
( b ) Von gel pha sa zuang tho lo ding lai zom teng aw vabang hong phawng e

Nu Siang la, Hau Sian aphuah

( a ) Von dawng um bang ama una ding zaal mang hi lo se gual tawh vai kuan ing e
( b ) Von seen nua ciang sin lai sial leng langmai luankhi in zel e
( a ) Vonngaih teng aw lunggel siam aa ciin leh na tuai mu bang ngaih man lumsuang
In po hen ci ing e
( b ) Lum suang tungah vabang tuang sak tuun leh zua in maimit suansuan ding aw e

Nu nem Khan Dim La

( a ) Singtan khuai bang bawm laitak aa von khup gual bang puk aw e
( b ) Von pham sa lah zuang tho lo ding tuun leh zua in sawm sial lian tawh lum suang in
Po hen ci e

NI NGAK NGAIH VUNG LA
( a ) Tuai Khup amin man mawh na ding Tuai nih thum in lum suang mel hoih tungah
Tuang sak e
( b ) Sawn leh vong teng maimit suan ding kumsawt tulpan nin na kaai lo aw

NU CIANG MAN NIANG LA
( a ) Hong ki thang ven vanpi ging bang miksi tho vai in bawm e
( b ) Na duang phal vabang a mual zong Von na tongdam bilkha ah luai e

API HAU SIAN SIAN DON LA
( a ) Ka sawn pham ding tongkazak nin sawnngaih meibang mit takpi mawk e
( b ) Sawnngaih mei bang mit takpi maw n alum suang aw to hen ka ci e.

SUANGPHUH NI
( a ) Vongel lumsuang kham bang phuh ni von teng mubang ken hong ngai sing e
( b ) Vongel pham sa zuangtho lo dign laizom teng aw va bang hong phawng e

NU SIANG LA
( a ) Von nihgel leh sawn melhoih tawh tuang ka tun ni zinpaak mel hoih kei duang kiban e
( b ) Zinpaak mel hoih kei duang kiban lai lungdam sing e tuai ngaih teng aw kei kilawm
Sing e

DEIH A DING NUSIANG PHUAH
( a ) Gal bang hogn suak kua na hiam aw phungsuan siam Cing Za Mung hi e
( b ) Phung suan siam Cin Za Mung hi tongdam luan siam Nuam Deih Go hi e

Dim Ngaih San a Ding
( a ) Pai ta ding a mualnih thum hal ding von lia nu aw lungzuang khau bang
Sau na lawm lawm e
( b ) Lung zuan khau bang sau zongin von San aw tang bang na dam aw e

GEN TUANG A DIGN LA
( a ) Sunggil kial lai anat man a kawi leh na von lam bang khen a
( b ) Kawi leh na von lam bang khen maw tongho na ding minthang
Phone koih sang pen hiam aw.

Sawm Cing
( a ) Von Cing hei na gam vang la e sawl bang banna mel mu nuam sing e
( b ) Lungzuang lo aw von lia nu aw tang bang dam ding sian in siam hen aw

Mang Pu
( a ) Vaimang sesem na ngaih man a theih loh gam khuam mang aw mang aw e
( b ) Theih loh gam khuam mang aw tongdam nau bang hong pha zel aw
Lungngaih nuam tuam e

Hau Siam
( a ) Von mon al bang aman na ding zal mang hi lo segul tawh vaikua hi e
( b ) Von sian nuam ciang sim lai sial len lang mai luankhi in zel e

Khawl Niang
( a ) Von Niang aw e lengta ding a lungzuan khau bang sau na lawm lawm e
( b ) Lungzuan khau bang a sau zongin ciin lia nu kiang tuang tung aw Niang aw

Tuan
( a ) Tun pham sa zuang hong tho dih aw von Tuan ang kawi ding mu bang la hang e
( b ) Ka min sial ding Tuan Thang aw ciing lung ah nong ngilh ngei diam? aw ciing ee
(a ) Von Tuan aw paal hong lo dih aw pian na vang khua hong thang sak dih aw
( b ) Mii pian leh ei pian ki bang lo lung lai hong gel siam dih aw Tuan aw

Tuan ( Nu Siang )

( A ) Kei aw lia nu lung zuang kal ah von Tuan kawi nem mu bang ka lak nuam na zen veng e

( B ) Tuun nem aw lai ah hong bual veh aw ka zua ngaih aw ciin nem aw lai ah na ei maw ma te nu ma te pa aw e

( A ) Tung PaSian aw Von Tuan zing zin Tg bang dam ding sian in lum bang sung hen aw ci ingh e..

( B ) Lum bang sang hen ken ci ing a ban zal se sum nong leng sak a luan khi tawh nau bang na sang ingh e ...