khan toh na

[Tuimang Vangkhua]

Hi mah ei, ei Tuimang tate Pasian i teltheih ngiat huna kipan khantohna namkim ah a ni-khan hi mai hang e, Khantohna sungah siatna zong a kiheltoto cih pen leitung ngeina hi ci ni. Tuin ei khuami tuipi tuita gal kai-in inn tawh a tengzo i om ta a, omom lai dingin um hang. I nunlui enleng, tu-a i dimun pen niam nawn lo a, lungdam kohkoh ding ahihi.
Khat leuleu ah, midangten hongnenniam laisiah i thupha ding hizaw a, midangten hong pahtawi hong phatluat hun ciangin i nuamkiat hun ding a kipan na hi theizaw cih phawk kawmin, midangte hong neubawlnate, hong haibawlnate pen ei adingin Pasian hong laptohna kahlei bang na hi thei zaw hi. Midangten no, Tuimangte hong ci-a hong phatphat sangin hong gensiasia le uh thangpaihna hong neisakin thupha zawi khat hong suak zaw thei gige hi. Hun khat lai-a i nunlui pen tuin i eng nawn kei a, khang kizom thupha khantohna i nawtsuakzawhna dingin i tung Pasian bekmah pibawl ni, liansak ni, ei le ei peuhmah Pasian kantanin kipibawl kha kei ni. Pasian bekmah hi hong lamto, hong tawisang, hi ciang hong tun cih thu ngilh ngei kei ni. Egypt gam pana hong samkhia keimah na Topa Pasian uh hong mangngilh kei un ci-a Topa kammal om bangin Pasian mah nopna dahna thu-ah, pilzonna thu ah, sumzonna thu ah Pasian bekmah liansak den ni. Tua hi leh nunlui hamsiatna pan thupha ah hong galkahpih i Pasian maipha i mu ding hi. I tualniamna khempeuh i thupha dingin hon gheisak Pasian mah it le nagi ngiat ni, tuimang tate aw ci-in kong hanthawn hi.
CDPiang
Yangon