Lian Suan Mung tungah lungdamkohna

[Tuimang Vangkhua]

Dear Mung
USA
Korea Seoul khuapi ah Oct.11 ni-in ka na tung a, Kawlpi-a Sia Haupu in phone tawh ka kiho uh leh: USA-a Lian Suan Mung in Tuimang tate Pasian nasemteng tengh 10 kikimhawm dingin hong khak hi ci-in gin loh takin hong gen ciangin lamdang sa le nuam lua -in cihna ding mel thei loin ka dingcip hi.
Kei maw, Mung; 1993 kuma kipan tuiphum ah a sem ka hi a, Pasian na sep lo buang , sum -le-paii peuh zonga vak kkhiat ding ka tumngei kei hi, Pasian min tawh hong huhna hong kipiak teng mah kei kinamtakpih hi a, tua thu i biak Pasian in thei hi ding hi ven, hi bangin huhna sum nong piak mawk ciang, angtang mahmah ing. Pasian in lei le van kikal-a om keiman kong piak theih loh thupha tampi hong pia hen la, na dau pai ta hen!
Mung aw, kei pen ei khuami lakpan biakna degree ngah masapen ka hi kha a, 1993 Feb.13 ni-in ka ngah hi. Ka omna peuhah ei khuami mah na ci tantan ing. Khua dang hi ing i kici zong in i kampau, aw suah in teci pang veve hi. Tua pen keima aituamvai kong gen pakna hi ei, na theisiam o .
Mung aw, sum zong khempeuh a daupai hi lo a, pawlkhat in sum delhin pawlkhatte sumin zuan cih ding hi. Sumtamna,nasep tamna ah a omciatciat ngahna zekna kibang het lo hi. Tua banga sumzong kawmkalah baihlam taka kingah hi lo kimlai , hih zah-a Pasian nasem khuamiteng nong phawk mawk ciangin Pasian na itna le a mite na khualna, kiu khat panin Pasian nasemte khut kham bankham na dawmsakna, khua-ul na siaksakna hi a, thupi kong sa peuhmah hi. Hi bang lungsimpuak tampi in hong nei laileh i khuami Pasian nasemteng bel mi maiah kiding ngamtuam peuhmah ding a, a piaten lah thupha ngah lailai ding ci-in ka um ngiat hi. Ka kjhasum tulsawmguk bek hi a, love gift mah a kinuntakpih hi ei.Ka haksatna uh hong puakpih thei dingin non gom kha a, thupha ngahna-in zongn nei ni teh ci-in kong upsak hi.
Mung aw,
1.Van Pasain in hong mu hen la, guallai tung tuangin hong siam hen.
2.Na piak mah bangin ngah behbeh in la, na limah liangvai genthei tampi, Pasian nasem tampi in noptuamna ngah uh hen.
3.Na ngah ding thuphaten vanpi kantanin hong tuaksuk hen la,leitung kimkotin Pasian in hong puak hen la, Tuimang tate adingin ngilhmawh tangpal hong hi toto lai in maw.
Lungdamna thupuak, keimah
Rev.Cin Do Piang
Seoul City
Korea