Tuimang Online 24hrs 7daysPhotobucket

Na lumsim mang bangin omin lungkhamken

              Leingtungbup ah covid 19 aom akipan in munkhenpeuh ah sih na tampi ah omhi. Lungkham sinkham leh mangbangin om kei in. Nat na kilawh ding lau-in inn kuan pih, Lawm leh gual, ahi zongin Pasian nasem aki pan kikih bawl in, Kua mah zong khut na ngawn kilet ding aki lau hi. A hi zongin Paian theihpih lo in apiang bang mah om lo hi, Amah pen ih gei ah aom den lam phawk ciat ni. Lungkham in ih om laitak in Jesu in kha muanna kongpia hi, Kei it na leh lainat na kongpia hi ci hi. Lei tung in sinkham na hong pia zongin ken hong pia lo ka hi kata aw ci hi. Pasian kha muan nanuai ah tawl dam tak in om ding hi hang, Tua pen ama deih na zong ahihi. Pasianin ih khasiangtho hong gum khin hi lo ahi hiam, Bang mah lau lo ding hi hang, Pasian in a singlam teh tungah hong tatkhiat na thupi in hampha hi lo ih hi hiam? Amah pen tawl dam na hongpia pa hilo ahi hiam. Ih tha leh ih ngal hat lo in ih nun tak na bei phial ding ahi zongin, Lau lo in kha muan na hong pia thei amah bek mah hi lo ahi hiam?

              Ih lei nun na in natnate ngah mah leh zong, Tua sisan in nang hong tankhin peuh leh kakha muang lel hi aci ngam dingin ki gingkhol in, Isaiah 38:1 na sung en leng. Ezekel zong si ngam liangin aci nahi. asih ding lam zong ki theikhin hi. Hih covid 19 hangin kumpi-in lockdown mangkhin hi, Inn ah kiom cip gawp hi. Tua ahih manin inn kuan tampi takin hih bangin Pasian adingin hun nuam a ngah ding baih het lo kha mai dinghi. Tua hih manin ih inn kuan in amah bia in ih om theih alem pen hun ahi dingin ka lam en hi. Inn kuan in Pasian bia in hi leng ih ki sik kei penpen dinghi.
           Tate thu hilh in hot khiat na ngah sak leng nu leh pa tavuan lian pen pen azo hi lo ding ihhi hiam. Tua bangin apat tah thei dingin nu leh pa zong a ki ging sa in aom thei dingin kha muanna ih neih kul ding ahihi. Bang hangin inn kuan sung IT napi in na tate Pasianthu pat tah sawmlo ding ih hi hiam. Tuni tunhun pen hun hoih pen ahihi. A sawt lo in na nun tak na in lei tung nu sia ngel2 dinghi. Na tate na nut siat ciangin amau te kha muang sa aom dingin nusia in la, Vangamah ni khat ni ciangin inn kuan kim in ih om theih na ding hun pen pen gel hun ahihi.Inn kuan sungah nu leh pa leh pen Pasian na sem bangin Topa hoih na ih gen theih hun ahihi, evan leh Mission na sep thei hunhi. Tua bangin sem thei ciat leng, Khua pih tuiphih leh pawlpi a dingin anawng kai sak mi ih hi kei dinghi. Kipanin la Pasian kiang kiko in, Ham sat na ih tuah taktak ciangin ih Pasian longal kua mah kiang lamet na om lo in ama kiang bek mah a ngen hi lo ih hi hiam.

                Hih bangin nat na hoih lo hong omlai takin Mipil misiam siavuan leh Pasian na semte inzong Pasian kiang nat na pan suah tak na dingin ngen ciat hi, Pasian lo buang hong gumkhia zolo cih na ahi hi. Gun kuang sungah huihpi leh guahpi te ahat mahmah lai tak in akiang ah Pasian aom lo hi lo hi. Pasian Muan ding bek a ki sam ahi lamphawk kha lo ih hi hiam sanggam te aw, Anun ta Pasian bia lo te in a pasian uh abia zongin a dawng ding om lo hi. Ei Pasian in na ki sap na aw za denhi. Leitung ham sat nate aveng na dingin ih om na ciat panin thu ngen khawm ciat ding hi hang, Pata khasiang tho min tawh hong ngen le cin uh piak loh nei ding ka hiam ci hi. Tua pen phawk gige ding hi hang, Thu ngetna hong dawng ding leh kha muan na hongpia dingcih phawk sa in ngen ciat ding hihang, Matthai 18:20 sung simle cin bang ci ahi hiam, Lei tung abei zongin nang tawh kong omkhawm ding ci hi lo ahihiam, Tulai huih lak aleng lungno in mi lungsim la in nak lau sak mahmah hi. Lungkhamna nei peuh mah aw, Siavuan te dam sak ding adeih peuh mah aw dam na zatui ahi Pasian kiang na ki thawi ta peuh in amanhong damsak tek2 dinghi. Hih ka laigelh a sim akua mah peuh adam na hih leh zong a cina lua Pasian aphawk zo lo phial aomleh tua te ah dingin nget sak ding hi hang. Lawm hoih penpen Jesu ahih lam phawk ciat ding hi hang, Na kiangah om den ingh cih akiciam thu man pa mang ngilh kei ni aw..

Views: 81

Comment

You need to be a member of TUIMANG first TECHNOLOGY CENTER to add comments!

Join TUIMANG first TECHNOLOGY CENTER

© 2022   Created by Tuimang Vangkhua.   Powered by

Report an Issue  |  Terms of Service