PROTESTANT CHURCH POLITY CONFERENCE

[Tuimang Vangkhua]

Dear U leh Naute,
The Netherlands (Holland) gam Utrecht khuapi ahNov. 7-10 ciang ‘’Protestant Church Polity in Changing Contexts’’ ci-in Conference khat oma, tualaiah aki khel mengmeng leitung kilumletna sungah Christian Pawlpite bangcibangin khuasa in, mainawtding cihthu kikupna nei uh hi. Hihconference sungah a kihelte gam 20 valsungpan hi a, conference kah mi 70 valin, Church Law, Church Politic cih thute zong limtak in bulphuh uh hi.
Conference a piantheihna dinginNetherlands gamsung a om, Utrecht University, Leiden University leh KampenUniversity, tuate ban ah,
· Chang Jung Christian University, Tainan City (Taiwan)
· New Brunswick Theological Seminary (USA)
· Sekolah Tinggi Teologi, Jakarta (Indonesia)
· Theological Faculty of the University of Stellenbosch (South Africa)
Hih atung a Universities te kipawl inaneih uh Conference ahi hi.
KampenUniversity te in sangnaupang lui mi 5 hih Conference ah kihel dingin samin fullscholarships pia uha, tua asap uh mi 5te lak ah kihelkha ka hihman in, Pasiantung lungdamna lianpi kanei hi. Abeisa 2006-2007 laisin kum in Kampen Universityah M.Theol. Program ka sangkahpih lawm leh gualte pawlkhat leh, ka professor tetawh ka kimuh kikciangin, khat leh khat khutki leen in, thu leh la ki kup hunnuamtampi kanei thei a, hampha ka kisa hi. Lawm hoih neih ding nu leh pa te in honghanthot zelzel uh ka bilkha ah hong lut kikkik a, lawmlui te leh Professor tetawh ka kimuh kikpen, dangtak laitak a, tuivot cim kilhkelh dawntawh kibangin,nuam kasa hi.
Conferencekah khempeuh Utrecht Khuapi sung a om, Hotel nuampen te ah hong tungsak uha, anleh tui limtak in hongvak uh hi. Tua banga anlim, tuilim te nekha in, lupnanuam penpente ah kalup ciangin, lupna nuampenpen leh anlim penpen a nekkhakciangin, lungdam in Pasian tungah Rev. Dr. J. Ngul Khan Pau’ lungdamkoh, thungetziate ka lungsim sungah hong ki lolo a, Topa tungah lungdam kohding simlohthudang gending kanei kei hi.
The Netherlands ah Master lehPh.D sinnuamte in anuai a organizationte tungah sangkah theihna ding ahi zongin, scholarships a dingin ahi zongin kidawp thei ding hi.
Kerk in Actie
· Council for WorldMission
· Refo500
· Noster (Netherlands school forAdvanced studies in Theology and Religion)
CSKhai
Utrecht
Holland (Tawmvei)