Thu Sim

[Tuimang Vangkhua]

Gual zawhna thusim
Leitung ah mihingte akua mapeuh agualzo nuamlo, ahau nuamlo, apil nuamlo, acidam nuamlo leh alungdam nuamlo i om kei hi. A hi zongin hihte i zonzon na in i hun i vai teng bei in atawpna ah mu zo tuanlo, lungkim zo tuan lo ihih manin mitampi takte lungkia in amah le amah na gawn kithat in a nuntakna kila aa, pawl khat te leuleu in bang mah thu khual nawn vetlo in a ut bangbang un agamta zong mitampi tak a om hi.
A hi zongin tua i zonzon thu te pen agamla piah a om nahilo zawin na sungah, nang mahmah in naneihsa na hi gige mawk hi. Topa Jesu pen singlamteh tungah migiloten that di’n khai lum dektak ta hi napi’n “Ka zozo hi” na ci hithiat hi. A mah a lung himawh gawp lo zaw sop hi. Thuak hak lua ci’n phunciak selo hi. Tua hi aa, gual zawhna tatak i cih pen mitung tuanna hilo zaw in ei le ei i lungsim i kizawhna, thuakzawhna leh a piangbangbang tungah lungkim theihna te na hi gige hi. Gentehna en dih hi.
4.I thuhkikna i a gah (result)
1. I tuah khak thute (stimulus)



Mikhempeuh in ei tan ciat ding haksatna leh gimna i thuak tek hi. Kei aa, haksa deuh e, kei mahmah cih ding na hituan lo hi. Na haksatna a liat semsem leh tha saanin, ma pang inla “Takkeh Pata” ci in, na gualzawhna zong tua naphutkhak haksatna zah mah in hong lian ding hi. Phd. Lai huan lo pi-in Phd. Buaih gualzawhna na mu kei ding hi.
Kah haksa in zong sang pah hi
Kah baih in zong giam hi.


Hih a tunga i lim suante tawm kikum pak dihni. I gensa mah bangin mikim in haksat gentheihna ki thuak tek na pi’n bang hangin mipawl khat te hau zaw deuh, pil zaw deuh in tungtuang in gual zo zaw deuh sese uh a hiam?
Haksatna, buaina, lungkhamna, dahna, beidongna, sihna te i tuah khak ciang......
Thuk kik/ dawng kik pah loding. Picing takin lunggai phot ding, nang ma thu in khensat pah phengphang lo ding, hunla dingin, a hoih pen ding gelgel ding hang aa, hih tawh ma pang leng hoihpen inteh na cih pen mite tungah na gen theih leh na muan penpen te theih sak in kikup pih aa, amua tawh ma pan khop ding thupi hi.
Na dawnkik, na thuh kik na bangbangin a gah nalo ding hi. Tua hia na dawn ma (react) ma in numbat lina phawk kawm in dawng ding cihna hi. En khol ding. Hih cih leng bang tawh kizom ding, bang thu piang ding aa, koi lai hong tun ding cih pen tel tak aa mu khol ding hi teh.
Leitung ah thu piang khempeuh pen 100 ah 99 accident hi lo hi. Za tep le cin TB nei ding, zu haii le cin, sum khol theilo ding, lam lai ah ding le cin mawtaw in hong taih kha ding, a hoih lo na sem le cin hong kiman ding, nang ut thu in gamta le cin tang khial thei. Tua mah bangin a hoih lam ah zong “natural law” Thu pai dan na om hi.

“Every action has reaction” “na vawh bangin na at ding hi” Lai siangtho in ci hi. “You are here today because of the decission you made yesterday. And your decision and action of today will finger point where you will be in the next 20 years”. Tuni aa na din mun pen zaanni aa na khen satna hang a hihi. Tuni in na gelna bangbang in tuzawh kum 20 nih sung in na din mun hong kilam dang ding hi. Leitungah hauhna leh zawnna, gentheihna leh nopsakna aa kipan thu taangpi pen gelsiamna in tampi tak kilam dang sak hi. A kiging lo te tungah accident piang hi. Kiging le cin accident hi nawnlo dinga mukhol khin, thei khol khin na hih man in a hih ding mah hi lel hi ci’n na lung kim lel ding hi. Thuak dan zong nasiam ding aa, a dawn nading tawh kiging khin na hih manin siatna hong tun lo ding hi.

A Ciang kang B

A tungah i gensa a om mah bangin natural law i cih, ‘thulai gil’ pen ei ut thu in ki khel thei lo aa, i do khak leh hong sukik geigei ding hi. “Khanglui ten thal lam cil phih ei tung tu” na ci hi. I sep i bawl, i gamtat i kam pau, i tut dan i khawl dan, I Khristian nun takdan te; tu lai tak aa, i nun tak dan te in mailam ah i nun takna sungah kilam dan na hong bawl teitei ding cih phawk ding kisam hi. Na mai ah sihna leh nuntakna om hi koi lam tawn ding nahiam? Tua hi aa, ganhing bang aa, thu gaihsun mel lo aa, mawk tat ding hi lo hi. Thu maan pen ciam pel gei lo aa a hun tun teh hong ki dawk ve ve ding hi.
Hih atung aa, ciang kangin bawk nih nei hi. A le B in kikhen hi. Na tawi na lamlam pen abul hi’n alang lam pen adawn a hihi. Tua hi aa, abul na tawi leh adawn in zong hong zui teitei ding cihna hi. Tua a hih manin adawn ah bang om hiam cih en khollo thei khollo pi’n na mat vat leh nang aa dingin hoih thei hoihlo thei hi. A hoih phial zongin thei khol lo na hih man in nazang thei tuankei ding hi. Lai siangtho in hi bang in hong gen hi. “ Lam etna neilo (Pasian thu theilo) te bang in na nuntak ding uh kong phal kei hi” na ci hi. Lametna tawh i nun tak theihnadingin tup le gim i neih ding, i gel ding kisam hi. Tu ni aa, na gim na zazah, nathuakna zazah, na upna zazah, na kipiak khiatna zazah leh na lunggulhna zazah tu zawh a sawt lo in Pasian in hong pia teitei ding hi. A hi zong in nang tuzawh kum 20 teh bang cidan nun takna, khua sakna lunggulh na hiam cih tuni mahmah in (Plan) nagel ding kisam hi. Tu zawh kum sawm nih teh Zozaang khua khangthakte nuntak danding tuni in nang le kei tungah kiga cih phawk ni. I nuntakna te gel siam leng Topa’n na lian te hong bawl hamtang ding hi. Lasiam minthang VC Mang in “Hong hon khia zolo dingin Topa muang khial nahiam? Hauhna liatna hoihna thupitna khem peuh a maa aa hi”. ci hi. Helen Keller in “Instead of cursing the darkness let’s light a candle”ci hi. Khua zing cia a i (Hamsiat) phun phun sang in khuai mei khat vak leng kilamdan na hong piang baih zaw ding hi. I nuntakna te a gel siam ding leh Topa khutsung ah i gelna te a ap siam dingin mimal kim Jesu min tawh kong cial hi. Topan nalianpi hong bawl tatak tading hi.
A KaiKhawm Tuan