ZOMI LEH KA MIPIH TE AA DING BEK HI LO KEI AH DING MAHMAH HAMPHAT NA

[Tuimang Vangkhua]

                                    Abei sa 2013  kumin USA gam Knoxville khua pan in Nasville khua ah ka it mahmah ka zi tawh kaki suan uhhi. Kazi pen naupaai in suak dek mahmah ta hi. Agape Mission Church Pawlpi ah ka nupa mah un min na ki aap ungh. Tu-in zong tua pawlpi mahah kaom suak uhhi. Pawlpi zong nuamin mimal ahih leh 300val bang kiphata hi. Church Pastor min pen Rev, Pau Khan Lian ahihi.Inn kuan sungah pa pen ka hih mah bangin nasep ding pen lawp masak pen ahih sam loh hangin sep loh hong pha mawhhi ka inn kuan sung vak na dinghi. Tua mah bangin ka Church Pastor pa Rev Pau Lian in zing sang nai 8AM pawl in phone hong set in, Nasep khat om hi mangpau thei te ngah hi hong ci hi na ki sin nuam hiam va pai ni hong ci-in ama om na Spring Hill pek panin mawtaw tawh hong tai vangvangin nasep siauh na munah kaki tuah uhhi. Pasian thupha tawh lem cih takin hong lemhi, Ani tak lam nai 3PM ah kipat pah ding hi-in kakipan pahhi.

                 Nasep ahih leh part catcher leh packing ci-in nuam ka sa lel hi. Nasep pen atuam tuam ei tawh kituak dandan aki ngah na hihi. Ei Zomi pen mi 3 na om khin in  tampitak nuam tuam kasa hi. Amau zong na pack ziahziah uhhi, Tua lo pen mivom leh mikang vive hi-in adiak in operator pen mangkang vive hi in ana sep uh pen nop tuak zaw in ka na eng khinkhianhi. Ka operator mangkang pa nasep pen mit tangnih tawh en lela denin aki sam bangin hong sawl loh hangin ka huhhi.Asep dante kakhuak ah ka cia teh hi. Kalkhat khit ciangin ka supervisor pa ka nasep na ah hong pai-in kaki ho lim uhhi. Operator ka lunglut zia ka genhi. azingciangin kakiang ah hong pai kik hi, nang pen fine blanking operator dingin zing ciang na kipan dinghi na ut leh zing ciang kipan ta ding, Na operator pa ahih leh first shift ah pai dinghi hong cih ciangin lawp lua in yes ka ci pahhi. Khasum ding na ngawn ka dong het keihi.Khasum kibang phial leh zong a nasep mahmah ka ut zaw hi. Operator ka ngah ciangin hun awng tampi ka ngah zaw tham hi. Makai te tawh ki muh hun zong tampi omin, Khat vei inn pua lam ah supervisor leh ka Lead pa uh tawh thu kikum in Zomi te nasep hoih zia leh cih tak zia pau leh hamki sap loh zia ka gen ciangin hong sang siam in manager te kiang na gen nung cih kam hong vai khak hi. azing ciangin bring me Zomi more people hong ci-in ahi thei bangin nasep nei lo te hopih in asawt lo in mi 20val kapha pah uhhi. Ahi khualkhual lai ka gual nuam mahmah pah uhhi.

                       Khakhat khit ciangin nalawm milui te zong operator a ut dinghiam na dot sak in hong cih ciangin ka dong pahhi. Amau ahih leh tawm vei ngak lai nung hong ci-in kumkhat a ngak uhhi. Kumkhat khit ciang ut ta ung hong ci in ka gen sak pahhi. Makai te hong kikumin lawmte khat kisin sak pahhi. Fine Blanking set thak khat hong tung ding ahih manin tua mun ah operator dingin nang na hi dinghi. Set pen model thak ahih manin automatic vive hi honghi.Tua zawh kal nih khit cianginka supervisor pa a lungsim hong kikhel in. I changed my mind hong cih ciangin ka lung hi mawk sim pian hi. Nang pen set thak len lo dingin transfer operator dingin kong deih zaw hong cih ciangin Topa lungdam si e kalam et ngam het loh ci in ka sang pahhi.

                          Transfer operator kumkhat khawng ka let khin ciangin transfer set khat hong tung cih aki gen ciangin ka supervisor pa in tua alen dingin hong gen hi.Aset hong tungin aki zawh dek ciangin ka lungsim khel ingh nang pen set thak len nawn lo ding you will be my lead man honghi.Lung kituak tak in supervisor pa tawh kum 3 phial ka sep khit ciangin, Zing sang lam a supervisor pan in manager hong ngah in kei supervisor pa ahih leh first shift supervisor dingin aki piak khiat ciangin ka dah mahmah hi. Supervisor thak apua pan ing hong lut in. Nasep zia ahi zongin aki tang sam bangbang ka hilhhi. Ama sangin na kgempeuh thei zaw ka hih manin nuam mahmah bilbel hi.

                         Tua zawh kha bang zah hiam khat ciangin manager pa kakiang ah hong pai in zum sung hong pai in kong gen nop tampi om hi ci-in hong sam in dip kua pian sa in ka zui aa ahi zongin kisuan na ka nei keihi. Zum sung ka tun ciangin tu-in nang pen Finishing supervisor dingin kong pia hi na ut hiam hong cih ciangin lungdam tak in ka sanghi.Supervisor ka sep ciangin mi aki sam zah ka thei a Zomi nasep kokiang alung lut te interview kisam nawn lo in lut sak thei ziau2 ta ka hih manin ka lungdam mahmah hi. Ni dangin interview akia khin sa mi tampi om cih thei ingh. Kokiang na sem ngei akhawl khin sa a hong lut kik nuam tam pi a ngah nawn lo hon khat ka thei aa tu-in nuam tam in ki lut thei tahi. Nupi inn ngak khat vei zong na sem ngei lo na ngawn hong lut thei in ka ang tang mahmah hi.Kei pil man siam man hi lo in Topa thupha ahihi.Malam ah zong Topa om pih na kaki sam den hi. Topa hong angvan lai in. Zomi nasep tampi om in a Lead zong mi 3 om ta hi. Mibangin mang lai mang pau ka siam loh hangin tua ciang Pasian Hong om pih na kicing kasa mahmah hi, Lai At Lian Tuan Thang