Za khan na leh Lungdamdampihna a tuamtuam te

[Tuimang Vangkhua]

Dear PHAWKDEN LAIZOmte

Muntuam gam tuam pan in theih huai thupiang khantohna leh Pasian thupha te sangzel ihhih man in ih lungdam na khangsemsem hi.

1. Zakhangte.
Ei Tuimangkhua pan in Sangsia semte Sia Tuan Za Khup leh Sia Piang Do Mang te Pasian hehpihna leh Kumpite muan na tawh kisai in Aza uh khang in Tu in Manglaisia za ngah theihna ding in Kumpite in Sagai ah sam uh ahih man in A nih un Manglaisia za ngahta uh hi. Manglaisia cih cing in < Zolai sia- Tan 0-4 ciang hi a, Tu in Manglai sia Tan 5-10 ciang uk thei cihna hi. MANGLAI- English cih na hilo in ei lawhdan tawh kisai in Zolaisia, Manglaisia cih bang in kikhen hi.> Tua ahih man in khantohna leh Zakhan na ahih man in ki lungdampih mahmah hi. Mailam ah zong Zakhangkhang ding leh Mite muan kumpite muan leh Khuasung upa Hausa te muan a suah semsem na ding un zong Topa Pasian in Tuimangta te hong lamsang den ta hen! Tua lo adang om nailo hi, Zak khakloh a om leh ahunzui in ki zasak kik ni cih lungdam pihna thu kong tangko sawnsawn uh hi.

Pa Thang Suan Dam U.S.A te in zong Pasian hehpihna tawh tu in Inn lei ding in kipan uh a, Inntawhkisai lam sumlehpai lente leh Kumpite tawh ki ho thei in Proof na neita uh hi. Tu in Inn hoih leh a mun nuampen mun azonzon laitak uh ahih man in A deih dan uh a muh hun uhpan in Inn neisuak pah ding uh hi. Tulai tak a zonzon san laitak uh ahih man in Akua mahpeuh in Thungetna ah phawkpih tek ni.cih lungdam na thute za ih hih man in ki lungdampih mahmah hi.

Pa Piang Khawm Thang & Nu Man San Liante in zong Nung OCT. 18.2011 ni-in Nau NOU melhoih mahmah khat nei cih thute ihzak man in ki lungdampih mahmah hi. Nauleh a nu zong cidam in Zato pan inn lam zuan theita ahih man in Topa pasian in cidam na leh nauno zong cidamna thuphate hongpiaksak na ding in zong thungetna ah phawkpih tek ni cih nauno neihthak lungdam pin na thu te ihki pulaak sawnsawn hi.

Khua ah Anlaksan laitak ahih man in Guah zuzu kawmkal ah an ki la a, Hunbit in nakisen theilo ahih man in Kua hun hoihna ding leh khua hun hoihtak a An limcitak a aki lak theihna dingzong thunget na ah phawktek ni. buhpen ih at khitcing guah in delh leh Po baih mahmah a zong Unam thei hi. Guahtuite hun man a, khua hn hoihte in a hun man a ihkhua ihgam hongtuam na dingzong ih omna tek pan in thunget na ah akua mahpeuh in thungen tek ni.

By. TUIMANG SOCIAL INFO Pan