Tuimang Online 24hrs 7daysPhotobucket

Pa Gin Khan Kap leh Nu Niang Ngaih Lian te sung pan 1986 kum in Tuimangkhua ah ka suak a,Unau pasal 5 lak ah a nautum pen ka hihi.Ka sanggam te: (1)Pa Thawng Ngaih Lal,(2)Lia, Nuam Lun Cing,(3)Pa, Piang lam Sui, ( 4)Tg, Thang Do Langh (5)Pa Lian Tuan Thang.

Kum nih ka phak laitak 1988 kum in ka nu in hong sihsan a,Tagah ka hihman in inn nasep tu-itawi,Singpuak,Ansuk cih te ka siam mahmah hi.Tan 8 leh tan 10 ka sim laitak in Tonzangmyone ai in Hakha ah Bawlung sui ding in nih vei hong kiteel a ka pai den hi.

2004 kum tan 10 laiphi khit ciang in Mizoram ah sum thalawh ding ka pai a mawtaw nungzui ka sem hi. 2005 kum Christmas ciang khua ah ka ciah a,Pasian hong geelsakna leh meltheih te hong dei-hsakna tawh Malaysia ka pai hi.Malaysia ka om sung in thong kha 7 ka kia ngei hi.Malaysia ka om sung khuapihmi a kua mapeuh deidan om lo in haksatna a tuak te innah om sak in ka hih theih zah uh tawh ka huh zel uh hi.

November 10,2008 kum ciang Sia Tuan Za Khup leh Nu Dim Sawm Niang te tanu Lia Ciin Deih Lian tawh ka ki teeng uh a,Pasian min tawh Rev.Lian Za Huam in hong letthat hi.Tuimangkhua mi gamdang a tung teng ah Pasianmin tawh ki letthat masa pen ka hi uh hi.

Malaysia pan in December 7,2009 ni in USA lam zuan in ka leng uh a,December 9,2009 ni in USA gam Knoville khua ka tung uh hi.Knoville khua pan AMC Pawlpi tawh ki thu za in Bus khat tawh hong pui uh a,tua ni pan tu ciang dong AMC Pawlpi tawh khut ki len in Pasian ading na ka sem khawm uh hi.

AMC Pawlpi kem Siapa Rev.Pau Khan Lian hong deih sak na leh hong vaihawm pihna tawh nasep kangah a,kum khat val deuh Press Operator ka hihi,2015 kum in Groups Leadka ngahhi.2019 ciang Su-pervisor cih bang in nasep kangah to hi.Tuimangkhua mi pan Groups Lead leh Supervisor ngah masa ka hih na tawh Tuimang Vontawi Kipawlna (USA) in Pahtawina Laipi hongpia uh a,hih ciang ka tun na Pasian tung,nasep hong zon pih Siapa tung leh khuapihmi te tung ah lungdamna lian mahmah hi cih kong pulak hi.

USA ka tun cil un Biakinn ki tuam neih zo nai lo a Mikang te biakinn kawm in i ki khawm zel hi.Tua hi mah leh Pasian thupha tawh Biakinn mun ki lei in Biakinn i lam a,2018 kum ciang AMC Biakinnpi ki zo in Biakinn thak hon pawi i bawl hi.Tua lai ah Pasian tung thupha dawh na in Vok khat ko innkuan min tawh ka go uh hi.Tu kum 2021 ciang Siamahnu Man Deih Cing in Ordination hong ngah a Siampi thupha dawhna leh Siamahnu lungdampihna tawh ko innkuan min in Vok khat ka go kik uh hi.

Tu in Pasian thupha tawh ta pasal 5 ka nei uh hi.
1.Tg, Robert Kap Muan Lian
2. Tg, Khup Mun Thang Lian
3. Tg, Lian Suan Vaan Thang
4. Tg, Jabez Sawm Khai Thang
5. Tg, Lal Suan Mang Thang

Pasian thupha hong piak na leh hong kep na te lungdamkohna tawh Agape Mission Church (AMC) kum 10 cinna "Tin Jubilee " Pawipi ah Bawngtal khat go in Pasian tung ah lungdamkohna ka nei hi.

Ka nu Niang Lam Siang in hong phawk na la

( A ) Tung PaSian aw Von Tuan zingzin Tg bangdam ding sian in lumbang sunghen aw ci ingh e..
( B ) Lumbang sung hen ken ci ing a banzal sesum nongleng sak a luankhi tawh naubang nasang ingh e ...

PA LIAN TUAN THANG TE INNKUAN (NASHVILLE,USA)

Views: 3

Comment

You need to be a member of TUIMANG first TECHNOLOGY CENTER to add comments!

Join TUIMANG first TECHNOLOGY CENTER

© 2024   Created by Tuimang Vangkhua.   Powered by

Report an Issue  |  Terms of Service